-Нэг айлын 306 бог мал шүлхий өвчин тусжээ-

Хэнтий аймгийн Галшар сумын Жаргалант багт малын гоц халдварт шүлхий өвчин гарчээ.

           Энэ талаар тус сумын ЗДТГ-ын даргаас тодруулахад “Сумын төвөөс 40 гаруй километрийн зайтай байрлах Жаргалант багийн малчин О-ын малын хотонд гоц халдварт шүлхий өвчин гарсан. Анх тавдугаар сарын 31-нд энэ тухай дуудлага сумын ЗДТГ-т ирсэн. Малын дээжээс аймгийн Мэргэжлийн хяналтын газар руу явуулж, шинжилгээнд хамруулсан. Шинжилгээ хариу өчигдөр гарч, шүлхий өвчин гарсан нь батлагдсан. Одоогийн байдлаар малчин О-ын 306 бог мал шүлхий өвчин туссан. Гоц халдварт өвчин гарсан газарт өндөржүүлсэн бэлэн байдал тогтоосон байгаа. Мөн малын гоц халдварт шүлхий өвчинтэй тэмцэх, урьдчилан сэргийлэх, ухуулан таниулах шаардлагатай арга хэмжээг авч ажиллаж байна" гэлээ.