УБЕГ-ын дарга Д.Дэлгэрсайхан архидан согтуурсан үедээ албан өрөөндөө хүн зодож танхайрсан үндэслэлээр ажлаасаа чөлөөлөгдсөн. Тодруулбал, Цагдаагийн ерөнхий газраас өгсөн мэдээллээр "Сүхбаатар дүүргийн 11 дүгээр хороо УБЕГ-ын орчимд зодуулсан хүн ГССҮТ-д хүргэгдсэн. Уиеийн байдал хэвийн байгаа" гэх мэдээлэл өгсөн. Үүнтэй холбоотойгоор албан өрөөндөө архидан согтуурч, танхайрсан УБЕГ-ын дарга Д.Дэлгэрсайхан өөрийн хүсэлтээр ажлаа өгч, хууль хяналтын байгууллагад шалгуулахаар болсон юм.

Бид энэ талаар УБЕГ-ын дарга асан Д.Дэлгэрсайхантай холбогдож, тодрууллаа.

-Та ажлаа хүлээлгээд өгчихсөн үү?

-Тийм ээ.

-Хууль хяналтын байгууллагад шалгуулна гэж байсан. Одоогийн нөхцөл байдал хэрхэн өрнөж байгаа вэ?

-Энэ талаар чамд мэдээлэл, тайлбар өгөхгүй. Хууль хяналтад шалгуулах эсэх нь хамаагүй.