Хавдар судлалын үндэсний төвийн хоёр эмч мөн эмчтэй ойр харилцсан нэг иргэнээс коронавирусийн халдвар илэрсэн билээ. Тэдний ойрын хавьтал 112 хүнийг тусгаарлан, дам хавьтлын 500 гаруй хүнийг илрүүлж, шинжилгээнд хамруулж байгаа юм.

Түүнчлэн тус төвд тусгаарлагдаж буй 134 өвчтөн, 71 сахиурт эмчилгээ үйлчилгээ үзүүлж байгаа. Харин ХСҮТ-ийн ерөнхий мэс заслын эмчилгээ үйлчилгээг Баянгол дүүргийн эмнэлэгт, эмэгтэйчүүдийн мэс заслыг Амгалан амаржих газарт хийж байгаа аж. Өвчтөнүүдийн боолт, хими эмчилгээ зэргийг харьяа дүүргийн эмнэлэгт хийх юм. Хавдар судлалын үндэсний төв энэ долоо хоногт гаднаас үйлчлүүлэгч авахгүй байхаар зохицуулалт хийжээ.