Нийслэлийн Онцгой комиссоос мэдээлэл хийлээ. Нийслэлийн Эрүүл мэндийн газрын дарга Л.Төмөрбаатар Баянзүрх дүүргийн эмнэлэгээс голомттой коронавирусийн халдвар нэмэгдэж байгаатай холбогдуулан мэдээлэл өгсөн юм. “Тэрбээр  эмнэлэг өөрөө халдвар тараах нэгдүгээр зэргийн эрсдэлтэй байдаг. Сүүлийн хоёр хоног Баянзүрх дүүргийн эмнэлэгээс 26 тохиолдол илэрлээ. Тус тохиолдлууд нь тэнд эмчлэгдэж байсан болон эмч, ажилчид, сахиураас илэрсэн байна. Баянзүрх дүүргийн эмнэлэгээр үйлчлүүлж байсан иргэдийг бусад эмнэлэгээр үйлчлүүлэх зохицуулалтыг хийсэн. Үүнд Улсын хоёрдугаар төв эмнэлэг, Анагаахын Шинжлэх ухааны сургуулийн эмнэлэг, Энэрэл эмнэлэг, мөн хүүхдийн түргэн тусламжийг Сүхбаатар дүүргийн эмнэлэгээр үйлчүүлэхээр болсон” гэлээ. 

Мөн “Нөхцөл байдал сайн биш байна. Бид давхардсан тоогоор 250 мянган иргэдэд шинжилгээ хийсэн. Иргэд ер нь хөдөлгөөнд ороод эхэлсэн. Энэ бол сайн зүйл биш. Дэлхийн улс орнууд хөл хорионы дэглэмийг үргэлжүүлж байна. Өнгөрсөн хугацаанд илэрсэн голомтуудыг хумиж чадсан. Энэ байдлаараа ажиллаж байна. Ойрын хоёр хоногт дам хавьтлын тандалтыг дуусгах төлөвлөгөөтэй байна. Иргэн бүрт цар тахлын аюул ойрхон байна. Аль болох гадуур явахгүй байхыг зөвлөж байна. Хамтын хүчээр энэ цар тахлыг давна” гэлээ. Хувь хүний хариуцлага чухал байна шүү гэдгийг албаныхан сануулж байна.