Коронавирусийн эсрэг дархлаажуулалт үргэлжилсээр байна. Өчигдөр 19:00 цагийн мэдээллээр улсын хэмжээнд 82683 иргэн дархлаажуулалтад хамрагджээ. Ингэснээр зорилтот бүлгийн

• 43% нь дархлаажуулалтын I тун,
• 20% нь дархлаажуулалтын II тунг хийлгээд байна.

Харин өнөөдөр Улаанбаатар хотод 110 цэгт 293 багийн 2643 эмч, ажилтан ажиллаж, 75904 иргэнийг дархлаажуулахаар төлөвлөжээ. Иргэдийг дархлаажуулалтандаа идэвхтэй хамрагдахыг холбогдох албаныхан болон эрүүл мэндийн ажилтнууд уриалсаар байна. Мөн коронавирусийн эсрэг дархлаажуулалтын хоёр тунг бүрэн хийлгэснээс хойш тодорхой хугацааны дараа биед дархлаа тогтох тул амны хаалтаа тогтмол зүүж, гараа ариутган, шаардлагатай тохиолдолд гэрээсээ гарах гэж буй бол хүн хоорондын зайгаа баримтлах нь зүйтэй юм.