Вакцинжуулалтын хурдыг нэмэгдүүлэх, нэг цэгт үүсэж байгаа иргэдийн бөөгнөрөлийг бууруулах зорилгоор одоогоор идэвхтэй ажиллаж байгаа 120 вакцинжуулах суурин цэгт нэмж 40 автобусыг явуулын цэгээр ашиглах болжээ.

Өнгөрсөн амралтын өдөр явуулын вакцинжуулах цэгт Сүхбаатар дүүргийн эрүүл мэндийн салбарын эмч, ажилтнуудын дайчлан туршихад өдөрт 110 хүнийг вакцинжуулсан байна.

Явуулын вакцинжуулах цэгийн 40 автобусын 31 нь жижиг оврын, ес нь том оврын автобус байгаа юм.

Харин автобуснуудад вакцин хийж, хадгалах, ажиглах, хяналт зэрэг шугамаар өөр өөрөөр ашиглах аж.