Говь-Алтай аймаг өнөөдрөөс эхлэн коронавирусийн эсрэг дархлаажуулалтын ажлаа эхэлжээ.

ЭМЯ-наас хуваарилсан эхний ээлжийн БНХАУ-ын Синофарм үйлдвэрийн 4100 тун вакцин тус аймгийн Эрүүл мэндийн газарт хүргэгдсэн талаар Говь-Алтай аймгийн Онцгой комиссоос мэдээлэв.

Тус аймагт зохион байгуулах коронавирусийн вакцинжуулалтын эхний зорилтот бүлэгт аймгийн Онцгой комиссын гишүүд, цагдаагийн алба хаагчид, онцгой байдлын газрын алба хаагчид, Мэргэжил хяналтын газрын ажилтнууд, эрүүл мэндийн ажилтнуудыг дархлаажуулалтад хамруулах талаар Говь-Алтай аймгийн Засаг даргын орлогч Г.Чинбат мэдээлсэн юм.