АНУ-ын “Жонсон ба Жонсон” компанийн коронавирусийн эсрэг вакцин үйлдвэрлэж буй Балтиморын үйлдвэрт ажилтнууд вакцины найрлагыг холихдоо алдаа гаргаж, тус вакцины 15 сая тун вакциныг ашиглах боломжгүй болжээ.

Ашиглах боломжгүй болсон коронавирусийн вакцины тунгуудад АНУ-ын Хүнс, эмийн хяналтын газраас шалгалтын ажиллагаа явуулах аж.

Мөн тус газраас уг зөрчил илрэхээс өмнө эмнэлэг, дархлаажуулах цэгүүдэд хүргэгдсэн вакцинууд ашиглахад аюулгүй байх талаар мэдээлсэн байна.

Жонсон ба Жонсон вакцин нь ердөө нэг тунгаар дархлаа тогтоодог болох нь батлагдаж, Америк тив даяар ихээхэн хүлээлт үүсгэж байгаа ч болчимгүй алдаа гаргаж, 15 сая тунгаа “салхинд хийсгэж” байгаад нь олон нийт дургүйцлээ илэрхийлжээ.

Эх сурвалж: POLITICO