Эрүүл мэндийн яамнаас коронавирусийн тархалтын талаар ээлжит мэдээлэл хийлээ. Энэ үеэр ХӨСҮТ-ийн дэд захирал Э.Тэмүүлэн “Сүүлийн 24 цагийн хугацаанд төвийн зургаан дүүргийн  Онцгой комисс, дүүргийн эрүүл мэндийн төвүүд хамтран ерөнхий боловсролын сургууль болон их дээд сургуулийн спорт зааланд 14 цэг нэмж бэлэн байдал хангасан. Дархлаажуулалтын 46 цэгт  86 багын 555 эрүүл мэндийн ажилтан ажиллаж 17819 хүнд вакцин хийсэн. Монгол Улсын хэмжээнд 48265 хүн коронавирусийн эсрэг вакцины эхний тунд  хамрагдсан” гэлээ.