Дундговь аймгийн Онцгой байдлын газраас “Мандал худалдааны төв”-тэй хамтран Гал түймэр унтраах тархалтын сургууль зохион байгуулав. Энэ нь гамшиг осол, гал түймрийн аюулаас урьдчилан сэргийлэх, байгууллагын ажилтан алба хаагчдын гал унтраах анхан шатны багаж зэвсэглэмжтэй харьцах чадварыг дээшлүүлэх зорилготой ажээ. Тус үйл ажиллагааны хүрээнд салбарын ажиллагсдад “Бэлэн бай”, Гамшгаас хамгаалах тухай хууль, Галын аюулгүй байдлын тухай хууль, тэдгээртэй нийцүүлэн гаргасан норм, дүрэм стандарт, болзошгүй гал түймрийн аюулаас урьдчилан сэргийлэх арга ажиллагаа, гал түймрийн үед хүмүүсийг аврах зам гарц, гал унтраах анхан шатны багаж хэрэгслийг ашиглах сэдвүүдээр анхан шатны ойлголт өгчээ.