Дорноговь аймгийн Засаг дарга О.Батжаргал, Засаг даргын орлогч Г.Март, аймгийн Засаг даргын Тамгын газрын ХОХБТХ-ийн дарга А.Амгаланзаяа нар Даланжаргалан сумын нутагт үйл ажиллагаа явуулж буй нүүрсний уурхайн захирал, холбогдох төлөөлөлтэй уулзалт зохион байгуулжээ.

Уулзалтаар “Ковид-19” цар тахлын хүнд цаг үед аймгийн 14 сумын хэрэгцээнд болон нүүрс жижиглэнгээр зардаг иргэдэд нүүрсний үнийг өмнөх оны үнээс нэмэхгүй олгох, чанартай нүүрсээр хангах үүрэг чиглэл өгсөн байна.

Харин нүүрсний уурхайн компаниуд зүгээс “Нийгмийн хариуцлагын хүрээнд нүүрсний үнийг өмнөх оны үнээс нэмэхгүй олгох боломжтой” гэдгээ илэрхийлсэн аж.

Ингэснээр 14 сумын хэрэгцээ шаардлагыг тодорхойлж, нүүрс жижиглэнгээр худалдан борлуулдаг иргэдийн судалгаа, жагсаалтыг Даланжаргалан сумын Засаг даргад хүргүүлж, уурхайнуудад хуваарилахаар шийдвэрлэжээ.