Сонгинохайрхан дүүргийн 33 дугаар хороонд хийгдэж буй “Цагдаа толгой” цэцэрлэгт хүрээлэнгийн бүтээн байгуулалт дуусжээ. Уг цэцэрлэгт хүрээлэн Тахилт буюу 33 дугаар хорооны 122 дугаар сургуулийн дэргэд ашиглалтанд ороход бэлэн болсон байна.

            Уг хүрээлэнгийн бүтээн байгуулалтын ажил 2019 онд эхэлсэн бөгөөд гүйцэтгэгч байгууллагаар  “Неон гэгээ” ХХК ажиллажээ

Энэхүү дөрвөн га талбай бүхий бүтээн байгуулалтын ажил 2019 онд эхэлсэн бөгөөд гүйцэтгэгч байгууллагаар “Неон гэгээ” ХХК ажилласан. Тохижилтын ажлын хүрээнд 750 метр дугуйн болон гүйлтийн зам, 8000 ам метр явган хүний зам, 54 машины авто зогсоол, хүүхдийн тоглоом, хөл бөмбөг, сагсан бөмбөгийн талбай, худаг болон ногоон байгууламжийн усалгааны систем, гэрэлтүүлгийг цогцоор нь шийдлээ. Ногоон байгууламжийн ажилд 1500 орчим улиас, хайлаас тарьж, 22 мянган ам метр талбайн зүлэгжүүлэлт хийсэн юм.

Тус цэцэрлэгт хүрээлэн ашиглалтад орсноор Толгойт, Тахилт бүсийн иргэд чөлөөт цагаа зөв боловсон өнгөрүүлэх иж бүрэн цогцолбортой болж байна.

М.ЖАВХЛАН