ЭМЯ-наас коронавирусийн халдварын талаарх ээлжит мэдээллээ хийлээ. Энэ үеэр ХӨСҮТ-ийн Тандалт судалгааны албаны дарга А.Амбасэлмаа "ХӨСҮТ, ЗӨСҮТ, Дархан-Уул, Сэлэнгэ аймагт нийт 8898 шинжилгээ хийлээ. Үүнээс 16 хүнээс халдвар илэрлээ. Тодруулбал, Цэргийн төв эмнэлгийн зургаан эмч, сувилагч, ариутгагчаас халдвар илэрсэн. Мөн Баянзүрх дүүргийн эмнэлгийн голомтоос 10 хүн халдвартай нь батлагдлаа. Одоогийн байдлаар Баянзүрх дүүрэгт 191 тохиолдол батлагдаад байна. Монгол Улсад нийт 1137 тохиолдол батлагдаж, 711 хүн эдгэрээд байна. Мөн маш хүнд хоёр, хүнд найм, хүндэвтэр 36, хөнгөн 350 хүн эмчлэгдэж байна. ХСҮТ-ийн ойрын хавьтлын 131 хүнийг тусгаарлаж, шинжилгээ авснаас халдвар илрээгүй" гэлээ.