Төв аймгийн Борнуур сумын Бичигт багийн Аж ахуй гэдэг газар өчигдөр 05:00 цагийн үед таван ханатай гэр шатаж, хоёр хүн нас барж, нэг иргэн  түлэгджээ.

Уг гал түймэрт “Хелба” ХХК-ийн малчин тус сумын харьяат Д, 80 настай, эмэгтэй, О,10 настай эмэгтэй нар өртөж нас барсан аж. Мөн Д, 28 настай, эмэгтэй түлэгдэж бэртсэн тухай мэдээллийг аймгийн Цагдаагийн газрын жижүүрийн мөрдөгч мэдэгдсэн. Тус аймгийн Онцгой байдлын газар, Цагдаагийн газрын ажлын хэсэг өчигдөр тухайн газарт очиж, нөхцөл байдалтай танилцаж, үзлэг хйисэн байна.