Эрүүл мэндийн яамнаас коронавирусийн тархалтын талаар ээлжит мэдээлэл өглөө.

    Энэ үеэр Эрүүл мэндийн яамны Хэвлэл мэдээлэл, олон нийттэй харилцах зөвлөх Б.Ууганбаяр “Өнгөрсөн 24 цагийн хугацаанд 804 хүнээс халдвар илэрсэн. Үүнээс Улаанбаатарт 737, орон нутагт 56, зөөвөрлөгдсөн дөрөв, эмнэлгээс шалтгаалсан долоон хүнээс халдвар бүртгэгдлээ. Ингэснээр нийт 44820 хүн коронавирусийн халдвараар өвчилсөн байна. Сүүлиийн хоногт 1389 хүн эдгэрч, 363 хүн эмнэлгээс, 1026 хүн нь гэрийн хяналтаас гарсан.  Мөн тус хугацаанд хоёр хүн нас барж, нийт нас баралтын тоо 162 боллоо. Тодруулбал, 63 настай эрэгтэй, 89 настай эмэгтэй коронавирусийн халдварын улмаас нас барсан байна” гэлээ.