Булган аймгийн Сэлэнгэ сум Атар баг Сөртийн голын адаг гэдэг газар өчигдөр ойн түймэр гарчээ. Булган ОБГ-ын Гал түймэр унтраах, аврах 50 дугаар анги, Хялганат тосгоны Цагдаагийн хэсэг, Хилийн цэргийн 0243, 0286-р анги, Зэд Хантай Бүтээлийн нурууны Дархан цаазат газрын алба хаагч нийт 29 хүн гурван автомашин, мөн тооны  морьтойгоор түймрийн голомтыг унтраахаар ажиллаж байна. Ойн түймэр гарсан энэ газар нь борог өвстэй, унанги мод ихтэй, уулын оройгоор цастай байгааг ОБЕГ-аас мэдээлжээ.

   Энэ сарын 2-ны байдлаар Булган, Дорнод, Сүхбаатар, Сэлэнгэ, Төв, Хэнтий, Ховд зэрэг долоон аймгийн 14 суманд нийт 17 удаагийн ой, хээрийн түймэр гарсан байна. Түймэрт ойн 19 га, хээрийн 283.150.5 га нийт 283.169.5 га талбай түймэрт өртжээ.