Орхон аймгийн хэмжээнд сүүлийн 24 цагийн хугацаанд 14 хүнээс коронавирусний халдвар илэрч, нийт батлагдсан тохиолдол 520 болжээ.

Батлагдсан 14 тохиолдлын 10 нь ойрын хавьтлаас,  дөрөв нь Зэст багийн 1-21-р байрнаас илэрчээ. Ингэснээр 1-21-р байрнаас нийт 20  хүнээс халдвар илэрсэн байна. Өнөөдрийн байдлаар БОЭТ-ийн халдварт, хүүхэд, мэдрэлийн тасагт нийт 140 хүн тусгаарлагдан эмчлүүлж байгаа. Түүнээс хөнгөн 105, хүндэвтэр 33, хүнд хоёр хүн байна. Өчигдөр коронавирусийн халдвараар өвчилсөн нэг эх амаржиж 3,800 гр охинтой болжээ. Эх, охины биеийн байдал сайн байна.