Булган аймгийн Сэлэнгэ сумын төвөөс зүүн хойд зүгт 120 км, Атар багийн Сөртийн-Адаг гэдэг газар ой хээрийн түймэр гарчээ. Энэ тухай дуулага мэдээлэл энэ сарын 6-нд 14:40 цагт Онцгой байдлын газарт бүртгэгдсэн байна.

Тус аймгийн Онцгой байдлын газрын Гал түймэр унтраах, аврах 50 дугаар анги, Хангал сумын Цагдаагийн хэсэг, Хилийн 0286, 0243 дугаар ангийн алба хаагчид, “Зэд Хантай Бүтээлийн” нурууны дархан цаазат газрын хамгаалалтын захиргааны ажилтнууд ойн түймрийг унтраахаар ажиллаж байна.