Засгийн газрын ээлжит хуралдаанаар өчигдөр вакцины хоёр тунг авсан иргэнд 50 мянган төгрөгийн урамшуулал олгохоор шийдвэрлэсэн. Өнөөдрөөс эхлэн коронавирусийн эсрэг вакцины хоёр дахь тунд хамрагдсан иргэдийн дансанд 50 мянган төгрөг орж эхэлжээ. Энэ ажлыг ЭМЯ, Сангийн яамтай хамтран зохицуулж байгаа.

Түүнчлэн халамж авдаг 90 мянга орчим, хүнсний талон авдаг 30 мянган иргэн вакцинд хамрагдаагүй байгаа тухай судалгаа гарсан аж. Тиймээс иргэдийг нийгмийн хариуцлагаа ухамсарлаж, вакцинжуулалтад идэвхтэй хамрагдахыг Засгийн газар уриалж буй.