Монголын электрон спортын холбоо цахим спортын шинэ залуу боловсон хүчин бэлтгэх зорилготой электрон спортын дадлагын хөтөлбөр явуулахаар болжээ. Энэхүү хөтөлбөр нь 3-6 сарын хугацаанд үргэлжлэх бөгөөд их, дээд сургуулийн хоёр, гуравдугаар дамжааны оюутан залуус хамрагдах боломжтой юм байна.

Түүнчлэн хөтөлбөрт хамрагдсан залуус ажлын бодит туршлага олж авахаас гадна хурдацтай хөгжиж буй цахим спортын салбарыг мэргэжлийн түвшинд ойлгох, шинэ залуу хамт олны нэг хэсэг болох, шинэ төсөл хөтөлбөрүүдэд гар бие оролцон Монголын цахим спортын хөгжилд өөрийн хувь нэмрээ бодитой оруулах боломжийг нээж өгөх боломж гарч байгаа юм. Хөтөлбөрт хамрагдах оюутан залуусыг энэ сарын 26-ныг дуустал бүртгэх аж.