Булган аймгийн Булган сумын Засаг даргын шийдвэрээр зарим аж ахуйн нэгж, байгууллагын үйл ажиллагааг түр хугацаагаар зогсоолоо. Сумын Онцгой комисс коронавирусийн халдварын сэжигтэй тохиолдол бүртгэгдсэн аж ахуйн нэгжийн нэрийг зарлаагүй боловч үйл ажиллагааг тавдугаар сарын 8-ны өдөр хүртэл түр хугацаагаар хаасан байна. 

Аймгийн төвд хөдөлгөөн хязгаарлаагүй бөгөөд сумын нутаг дэвсгэрт үйл ажиллагаа явуулж буй төрийн болон нутгийн захиргааны байгууллага, хуулийн этгээд эрүүл мэндийн байгууллагын заавар, зөвлөмжийн дагуу халдвар хамгааллын дэглэмийг хатуу баримтлан ажиллахыг байгууллага, аж ахуйн нэгжийн удирдлагад үүрэг болгожээ.