Хэнтий аймгийн Батноров сумын долдугаар багийн Бэрх тосгоноос урд зүгт гурван километрт байрлах жонш олборлох уурхайд хүн унасан дуудлагыг Онцгой байдлын газрын Батноров сум дахь Гал түймэр унтраах, аврах 42 дугаар анги өчигдөр буюу дөрөвдүгээр сарын 26-ны 15:28 цагт хүлээн авчээ.

Дуудлагын дагуу жонш олборлох бичил уурхайд очиход “Баялаг Бэрх” нөхөрлөлийн жонш олборлох уурхайд тус аймгийн иргэн 43 настай эрэгтэй Ү жонш тээвэрлэдэг яшикыг лифт рүү түрж байгаад 50 метр гүнтэй нүхэнд унаж амиа алдсан байна.

Талийгаачийн цогцсыг өчигдрийн 18:35 цагт гаргаж, Цагдаагийн тасгийн даргад шилжүүлсэн талаар ОБЕГ-аас мэдээллээ.