Хөвсгөл аймгийн Тосонцэнгэл сумын Тээл багийн Тэгш булан гэдэг газар  10 хүн Сэлэнгэ мөрнийг завиар гатлахад, завь нь хөмөрч долоон хүн голын усанд осолджээ. Сэлэнгэ мөрнийг  завиар гатлах үед татлага олс тасарснаар завь нь хөмөрч иргэн Ү, 38 настай, эрэгтэй, Б,16 настай, эрэгтэй, А, 3 настай, эрэгтэй нар голын эрэг дээр эсэн мэнд гарсан байна. Харин иргэн

Т, 62 настай, эрэгтэй,

 Ц, 50 настай, эрэгтэй,

 Г нас тодорхойгүй, эрэгтэй,

У, 38 настай, эмэгтэй,

У,32 настай, эмэгтэй,

Б, найман настай, эмэгтэй,

 А, таван сартай, эмэгтэй нар осолдсон болох нь тогтоогдсон тул өглөөний 06:00 цагт эрэн хайх ажиллагааг эхлүүлсэн байна. Тус аймгийн Онцгой байдлын газрын эрэн хайх, аврах салбар, Цагдаагийн газар, Шүүхийн шинжилгээний алба, Тосонцэнгэл сум дахь Цагдаагийн хэсгийн алба хаагч, Эрүүл мэндийн төвийн эмч, Засаг даргын Тамгын газар, Рашаант сумын Засаг даргын Тамгын газрын ажилтнууд тухайн газарт ажиллаж байна.Тус аймгийн Мөрөн, Төмөрбулаг, Рашаант сумын харьяат 10 хүн Тосонцэнгэл сумын Тээл багаас Рашаант сум руу явж байжээ.