ЭМЯ-наас коронавируст халдварын тархалт, нөхцөл байдлын талаар ээлжит мэдээллээ хийж байна. 

ЭМЯ-ны хэвлэлийн төлөөлөгч Б.Ууганбаяр "Сүүлийн 24 цагийн хугацаанд 10431 иргэнээс шинжилгээ авахад 1311 иргэнээс коронавирусийн халдвар илэрлээ. Ингэснээр нийт халдварын батлагдсан тохиолдол 24195 болж байна. Шинэ халдварын 1214 нь Улаанбаатар хотод, 97 нь орон нутагт бүртгэгдсэн байна. 

Түүнчлэн өнгөрсөн хоногт 75 настай, 83 настай хоёр иргэн коронавируст халдвараар нас барж, нийт нас баралт 51 боллоо. 75 настай эрэгтэйн хувьд энэ сарын 18-нд халдвар нь батлагдаж, Улсын төв эмнэлэгт хүргэгдсэн боловч нас барсан. Харин 83 настай эрэгтэйн хувьд энэ сарын 16-нд халдвар нь батлагдаж, Завхан аймгийн нэгдсэн эмнэлэгт хүргэгдсэн ч нэн хүндэрсэн байсан тул нас барсан байна" гэлээ.