Амралтын өдрүүдэд Тээврийн цагдаагийн албаны Жижүүрийн шуурхай удирдлагын хэлтэст 180 дуудлага, мэдээлэл бүртгэгдсэн байна.Түүнээс зам тээврийн ослын шинжтэй 100 дуудлага мэдээлэл бүртгэгджээ.

Бүртгэгдсэн зам тээврийн ослын улмаас Улаанбаатар хотод дөрвөн хүн гэмтэж, ноцтой зам тээврийн ослын улмаас орон нутаг хоёр хүний амь хохирсон байна.Тухайлбал, дөрөвдүгээр сарын 16-ны өдрийн 15:00 цагийн орчим Төв аймаг, Батсүмбэр сумын нутаг дэвсгэрт Nissan-Patrol маркийн автомашин онхолдож, улмаар зорчигчийн амь хохирсон. Мөн тус өдрийн 16:00 цагийн орчим Өвөрхангай аймаг, Гучин сумын нутаг дэвсгэрт улсын дугааргүй мотоцикл онхолдож, улмаар жолоочийн амь хохирсон аж.

Алба хаагчдаас гудамж замд зохион байгуулсан хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийслэлд 101, орон нутагт 41 зөрчлийг тус бүр илрүүлж, учирч болох эрсдэлээс урьдчилан сэргийлэн ажилласан байна.