Сүүлийн 24 цагийн хугацаанд 11963 хүнээс коронавирусийн халдварын шинжилгээ авахад 1340 хүнээс халдвар илэрсэн. Хатуу хөл хорионы үед коронавирусийн халдвар яагаад нэмэгдэж байгаа талаар тодруулахад Эрүүл мэндийн яамны хэвлэл мэдээлэл, олон нийттэй харилцах зөвлөх Б.Ууганбаяр “Хатуу хөл хорионоос өмнө халдвар авсан хүмүүсийн нууц үе өнгөрөөд одоо илэрч байгаа гэдгийг мэргэжлийн хүмүүс хэлж байна. Тийм учраас хатуу хөл хорионы үр дүн ирэх долоо хоногоос гарна.

Мөн иргэд коронавирусийн халдвар аль дүүрэг, хороо, байрнаас гарсныг тодорхой хэлэхийг шаардаж байгаа. Гэвч илэрч байгаа халдварыг тодорхой хэлэх нөхцөлгүй,  өргөн хүрээнд тархсан” гэлээ.