Монгол Арт галерейгаас хүүхэд, багачуудын чөлөөт сэтгэлгээний уран бүтээлийг олон улсад сурталчлах зорилгоор “Хүүхдийн ертөнц” уран зургийн уралдааныг 2019 онд амжилттай зохион байгуулж байсан. Тэгвэл тус уралдааны нэрийг “Монгол Арт 2021” болгон өөрчилж, олон улсын уралдаан болгохоор зорьж байна. Энэ удаа улсын хэмжээнд зарлагдсан тус  уралдаанд 5-16 насны хүүхдүүд, чөлөөт сэдвийн хүрээнд оролцох боломжтой юм байна.

Бүтээлийг ирэх тавдугаар сарын 22-ны 1:00 цаг хүртэл Монгол Арт галерейн цахим хаягаар хүлээн авах аж. Цахим шалгаруулалтын дүнг ирэхзургадугаар сарын 5-нд www.mongolartgallery.mn вэбсайтад байршуулах бөгөөд зургадугаар сарын 22-нд шагнал гардуулах юм байна.