Баянзүрх дүүргийн Засаг дарга Н.Баярмөнх коронавирусийн халдвараар өвчилж, ХӨСҮТ-д эмчлүүлж буй талаар өөрийн цахим хуудсаар мэдээлсэн юм. Тэрбээр “Анх дөрөвдүгээр сарын 11-ний өдөр коронавирусийн шинжилгээ өгсөн. Тухайн үед бие тавгүйрхэж, гарны булчин янгинаж өвдсөн. Гэтэл эхний хоёр удаагийн  шижилгээний хариу сөрөг буюу халдваргүй гэж гарсан. Хэдий шинжилгээний хариу халдваргүй гэж гарсан ч гэртээ өөрийгөө тусгаарласан. Гэсэн ч бие тавгүй хэвээр байсан учир өчигдөр дахин шинжилгээ өгөхөд коронавирусийн халдвартай гэж гарсан. Тиймээс иргэд коронавирусийн халдвартай гэдгээ нууцлах биш ил гаргаж даруй арга хэмжээ авах хэрэгтэй” гэлээ.