Улаанбаатар ЦТС компаниас Сонигинохайрхан дүүргийн нэг, хоёр, тав, 27 дугаар хороодын иргэдийг цахилгаан хүчээр хангах шинэ шугам татаж байгаа аж. Энэ талаар албан ёсны хуудсаараа дамжуулан

“Сонгинохайрхан дүүргийн I,II,V,XXVII хороог эрчим хүчээр хангадаг шугам  90-ээс дээш хувийн ачаалалтай ажиллаж даац хэтрэх бэрхшээл тулгараад байв. Иймд эдгээр хорооны иргэд оршин суугчдыг  цахилгаанаар найдвартай хангах, шугамын ачааллыг хөнгөлж хүчдэлийг сайжруулах зорилгоор Найрамдал дэд станцаас нэмэлт шугам гаргахаар ажиллаж байна” хэмээн мэдээлжээ.

Ингэснээр 700-800 айл өрхийн эрчим хүчний найдвартай байдал хангагдах юм байна.

Найрамдал дэд станцаас цахилгааны шинэ шэгам татах ажлыг УБЦТС ТӨХК-ийн баруун түгээх төвийн үйлчилгээний хэсгийн Б.Уянга мастераар ахлуулсан шугамын хоёрдугаар бригадын баг гүйцэтгэж байгаа юм байна.