УЕПГ-аас мөрдөн шалгах ажиллагаа явуулсан 33592 гэмт хэргийн улмаас нийт 24032 хүн хохирсны гурван хувь нь буюу 733 нь хүүхэд байгаа юм. Эдгээр гэмт хэргээс 177 нь дээрэмдэх, 169 нь хүчиндэх, 114 нь хулгайлах, 103 нь хүний эрүүл мэндэд хөнгөн хохирол санаатай учруулах гэмт хэргийг хохирогч болсон. Прокурорын газраас хүүхэд хохирсон 167 хэрэгт яллах дүгнэлт үйлдэн шүүхэд шилжүүлсэн байна.

Харин гэр бүлийн хүчирхийллийн шинжтэй гэмт хэргийн дийлэнх нь нийслэл Улаанбаатар хотод бүртгэгдэж байгаа бөгөөд энэ оны эхний улиралд гэр бүлийн хүчирхийллийн шинжтэй нийт 234 гэмт хэрэг гарсан өнгөрсөн 2020 оны мөн үеийнхтэй харьцуулахад буурсан аж. Прокурорын газраас гэр бүлийн хүчирхийлэл үйлдэх 39 хэрэгт яллах дүгнэлт үйлдэн шүүхэд шилжүүлсэн юм.