Нийслэлийн Онцгой байдлын газрын Гал түймэр унтраах, аврах ангийн алба хаагчид энэ оны нэгдүгээр улиралд ахуйн гал түймрийн 480 дуудлагаар үүрэг гүйцэтгэн,  292 иргэний амь аварч, 28 тэрбум төгрөгийн өмч хөрөнгийг хамгаалсан байна.

Гал түймэр нь өнгөрсөн оны мөн үетэй харьцуулахад гал түймрийн дуудлага 12.6 хувиар буурсан дүнтэй гарчээ.

Гал түймэрт өртөж нас барсан 14 иргэн байгаа бол үүний найм нь том хүн, зургаа нь хүүхэд байжээ. Гал түймрийн шалтгаан нөхцлийг тодруулбал,  136 нь яндангийн цонолтоос, 132 нь ил задгай гал, үнс нурам, тамхи шүдэнзний цогноос, 109 нь цахилгаан угсралт, ашиглалтын буруугаас,  31 нь машин техникийн гэмтэл, ашиглалтын буруугаас, 15 нь бусад аюулгүй байдлаа хангаагүйн улмаас гарсан гэж нийслэлийн Онцгой байдлын ерөнхий газраас мэдээллээ.

Д.Цэдэвсүрэн