Олимпын аварга Н.Түвшинбаяр, Улсын өсөх идэр начин Э.Энхбатыг хэрцгийгээр зодож, гэмтээсэн байж болзошгүй мэдээлэл өнгөрсөн баасан гарагт гарсан. Тиймээс Н.Түвшинбаяр аваргыг тус хэрэгт сэжигтнээр тооцож баривчилсан байна. Эх сурвалжийн мэдээлснээр Н.Түвшинбаярыг цагдан хорих, таслан сэргийлэх арга хэмжээ авах хүсэлтийг Хан-Уул дүүргийн цагдаагийн I хэлтсээс прокурорын газарт хүргүүлж буй гэнэ.

Н.Түвшинбаяр тархины битүү гэмтэлтэй гэсэн шалтгаанаар “Интермед” эмнэлэгт хэвтэн эмчлүүлж байсан ч шүүхийн шийдвэрийн дагуу баривчилсан байна. Харин өсөх идэр начин Э.Энхбат ГССҮТ-ийн Эрчимт эмчилгээний тасагт эмчлүүлж байгаа бөгөөд биеийн байдал нь харьцангуй тогтворжсон тул хагалгаанд оруулахаар болсон талаар эх ар гэрийнхэн мэдээлж байна.