Орон нутгийн сургууль, цэцэрлэг, дотуур байрны 819 нүхэн жорлонг орчин үеийн ариун цэврийн байгууламжаар солих ажил эхэлснийг БШУ-ны сайд мэдээллээ. Тэрбээр, энэ онд 300 орчим ариун цэврийн байгууламж суурилуулахаар төлөвлөж байгаа юм.

Мөн хөгжлийн бэрхшээлтэй 11 мянган хүүхэд байгаагаас долоон мянга гаруй нь сургууль, цэцэрлэгт хамрагддаг. Дийлэнх нь ердийн сургууль, цэцэрлэгт явж байгаа ч 1720 хүүхэд тусгай сургууль, цэцэрлэгт явдаг байна. Боловсролын үйлчилгээ авч чадахгүй байгаа 2900 хүүхдийг сургах чиглэлд хамтарч ажиллахаар боллоо.