Нийслэлийн ерөнхий прокурор Ш.Нямдоржийн тушаалыг түдгэлзүүлж, Нийслэлийн прокурорын газрын орлогч прокурор Ц.Насанбатын тушаалыг бууруулсан гэх мэдээлэл гарсан. Энэ талаар Улсын ерөнхий прокурорын хэвлэл мэдээллийн ажилтнаас тодруулахад “Тэднийг юунаас болж ажлаас чөлөөлж, албан тушаал бууруулсан талаар тодорхой мэдээлэл ирээгүй байна” гэлээ.

Нийслэлийн прокурорын газраас олны анхааралд байсан хэргүүдийг хэрэгсэхгүй болгосон нь олны дургүйцлийг хүргээд байгаа юм. Тодруулбал, УИХ-ын гишүүн асан С.Эрдэнэ, УИХ-ын гишүүн А.Адъяасүрэн, Сү.Батболд, шүүгч Ц.Амарсайхан нарыг хэргийг хэрэгсэхгүй болгосон билээ. Үүнтэй холбоотойгоор АТГ-аас эзэн холбогдогч нь тодорхой, гэмт хэргийн шинжтэй хэргийг илт хэрэгсэхгүй болгож байна хэмээн хэд хэдэн хүсэлтийг УПЕГ-т өгөөд байгаа юм. Ийм учраас НПГ-ын прокурорыг чөлөөлж, албан тушаал бууруулсан байж болзошгүй.