Зэвсэгт хүчний 326 дугаар ангийн салаан дарга Г архи ууж, согтуурсан үедээ байлдагч Ц.Б-г зодож, гэмтээсэн талаар бид мэдээлсэн билээ. Байлдагч Б нь Төрийн тусгай албан хаагчдын нэгдсэн эмнэлгийн Эрчимт эмчилгээний тасагт ухаангүй эмчлүүлж байгаа юм.

Харин уг хэрэгтэй холбоотойгоор ЦЕГ-ын Хэвлэл мэдээллийн төвийн дарга, дэд хурандаа Б.Баатархүү мэдээлэл өглөө. Тэрбээр

“Байлдагчийн биед офицер халдсан хэрэг Хан-Уул дүүргийн цагдаагийн II хэлтэст шалгагдаж байгаа. Урьдчилсан мэдээллээр байлдагчийг хариуцсан офицер нь согтууруулах ундааны зүйл хэрэглэсэн үедээ биед нь халдсан хэрэгт хэрэг бүртгэл нээж, мөрдөн шалгах ажиллагаа явагдаж байна. Биеийн байдлынх нь талаар цагдаагийн байгууллагаас нарийн мэдээлэх боломжгүй” хэмээсэн юм.