Тээврийн цагдаагийн албаны жижүүрийн утсанд амралтын өдрүүдэд 705 дуудлага, мэдээлэл бүртгэгдсэн байна. Зам тээврийн ослын шинжтэй 553 зөрчил гарсан аж. Үүний улмаас 12 хүн гэмтэж, нийслэл, орон нутагт тус бүр нэг  хүний амь хохирсон байна. Мөн явган зорчигч мөргөх тав, онхолдсон дөрөв, мөргөлдсөн гурван хэрэг гарчээ. Тухайлбал, өчигдөр 02:00 цагийн орчимд СХД-ийн 36 дугаар хороо Толгойтын замд суудлын автомашин онхолдож, жолоочийн амь хохирсон. Мөн 09:00 цагийн орчимд  Төв аймаг Баян-Өнжүүл сум 1-р баг “Довын гуанз” гэх газар асфальтан замд суудлын автомашин онхолдож, жолоочийн амь хохирсон байна.

Эх сурвалж: ТЦА