Халдваргүй аймаг, сум энэ сарын сарын 1-ний өдрөөс эхэлж, танхимаар хичээллэж эхэлсэн. Харин Улаанбаатар хотод халдвар ихээр тархаж буй учир цахимаар хичээллэж байгаа билээ. Сурагчдын II улирлын амралтын хугацаанд бүх ерөнхий боловсролын хүүхдүүдэд танхим болон цахимаар хичээллэхээр болсон юм. Хөдөө орон нутгуудад халдварын тоо нэмэгдэж эхэлсэнтэй холбогдуулан Боловсрол, шинжлэх ухааны яамнаас шийдвэрээ өөрчилжээ.

БШУЯ-ны Бага, дунд боловсролын газрын дарга Т.Ням-Очир “Хичээл эхлээд дөрвөн долоо хоноод улирлын амралт болсон. Гэтэл сурагчид хоцрогдол ихтэй байгаа учир хоёрдугаар улирлын амралтыг цуцалж өгөхийг аймгуудаас хүссэн юм. Тиймээс долоо хоногийн өмнө Боловсрол, шинжлэх ухааны сайд шийдвэр гаргасан. Тиймээс цаг үеийн нөхцөл байдалтай уялдуулан дахин шийдвэр гаргаж улирлын амралтыг даваа гаригаас эхлэхээр болсон” гэлээ.