Архангай аймгийн Онцгой комиссоос цаг үеийн асуудлаар мэдээлэл хийлээ. Тус хуралдаанаар Засаг даргын захирамжийн дагуу аймгийн хэмжээнд гурав хоног хатуу хөл хорио тогтоожээ. Өнөөдөр Архангай аймгийн таван иргэнээс коронавирусийн халдвар илэрсэн. Эдгээр иргэд өмнө нь халдвар авсан 12 хүний ойрын хавьтал байжээ. Тэдний шинжилгээний хариу 10 хоногийн дараа, гурав дахь давтан шинжилгээгээр халдвартай гарч, ойрын хавьтал болох 203 иргэнийг тусгаарласан байна. Мөн халдвартай байх магадлалтай есөн хүний шинжилгээний хариу гараагүй гэдгийг албаныхан хэллээ.