Дархан-Уул аймгаас энэ сарын 20-ны өдөр “Сибир”-ийн эрүүл мэндийн бүтээгдэхүүн сурталчлахаар Сэлэнгэ аймагт очсон хоёр иргэнээс түргэвчилсэн оношлуураар шинжилгээ авахад коронавирус илэрсэн аж. Энэ талаар Сэлэнгэ аймгийн Засаг дарга Ш.Оргилоос тодрууллаа.

          Тэрбээр “Дархан-Уул аймгаас ирсэн хоёр иргэнээс түргэвчилсэн оношлуураар шинжилгээ авахад коронавирусийн халдвар илэрсэн. Тэдний ойрын хавьтал болох есөн хүнийг “Сэлэнгэ” зочид буудалд тусгаарлаж, тандалт судалгаа хийж байна. Дээрх  иргэд Сэлэнгэ аймагт зорчих хугацаандаа "Залуус" ресторан, бэйкэри зэрэг олон нийтийн болон үйлчилгээний газруудаар зорчсон өгүүлэмжтэй байгаа. Сэлэнгэ аймагт илэрсэн халдврын хавьтлыг тогтоох, тусгаарлах, шинжилгээнд хамруулах ажил үргэлжилж байна” гэлээ.