Аюулт үзэгдэл, ослын улмаас гурван иргэн нас барсан бол гэмтэж, бэртсэн, өвчилсөн нийт 737 тохиолдол бүртгэгдсэн байна. Улсын хэмжээнд гуравдугаар сарын 8-14-ний  өдрүүдэд нийслэлийн найман дүүрэг, 17 аймгийн 49 суманд нийт 99 удаагийн аюулт үзэгдэл, ослын дуудлага бүртгэгдсэн байна. Тохиолдсон аюулт, үзэгдлийн  21 нь ус цаг уурын гаралтай, 66 нь гал түймэр, зургаа нь хүний үйл ажиллагаатай холбоотой осол, гурав нь геологийн гаралтай аюулт үзэгдэл эзэлж байгаа юм. Мөн мөсний нягт багасаж, 5-50 см нимгэрсэн тул гол мөрний мөсөн дээгүүр зорчихгүй байхыг анхааруулж байна.