Дуучин Т.Ариунаа, Г.Буяндорж нарын суултыг татан буулгах мэдэгдэл хүргүүлжээ. Энэ талаар иргэн Г.Буяндорж мэдээлэл хийлээ. Тэрбээр “Чингилтэй дүүргийн цагдаагийн хэлтсээс 17:45 цагт суултыг татан буулгах тухай мэдэгдэл ирсэн. Коронавирусийн үеийн онцгой журам гарсан юм байна. Тиймээс энэ журмыг нь хүндэтгээд, авч ирсэн зүйлсээ хурааж цэвэрлээд, үймээн гаргахгүйгээр суултаа зогсоож байна. Бидний шаардлагын хариу авах 72 цаг маргааш дуусна. Тэр үед прокурорын гадна очиж шаардлагын хариу авна” гэлээ.