Дотоод хэргийн их сургууль нь 2017 оноос эхлэн БНСУ-ын Чангшин их сургуультай хамтран найман төрлийн хөтөлбөрийг хэрэгжүүлж байна. Хамтын ажиллагааны хүрээнд 2021 оны элсэлтийн шалгуурт тэнцсэн хос диплом олгох хөтөлбөрт хамрагдах 31 оюутан тусгай үүргийн нислэгээр Солонгос Улсыг зориод байна.

Мөн өнгөрсөн хоёр жилд Чангшин их сургуульд суралцсан 15 оюутан хоёр хоногийн өмнө эх орондоо ирлээ. Одоогийн байдлаар  тус сургуульд  Дотоод хэргийн их сургуулийн 75 суралцагч цагдаагийн удирдлага, галын аюулгүй байдлын инженер, компьютер, програм хангамжийн инженерчлэл буюу  кибер аюулгүй байдал зэрэг мэргэжлээр суралцаж байгаа юм.