Ургацаас гурил үйлдвэрлэлд нийлүүлсэн хүнсний улаан буудайд олгох мөнгөн урамшууллын материалыг орон нутгаас цахимаар болон эх материалаар нь  хүлээн авч, мөнгөн урамшууллын нэгтгэлийг гарган хянан баталгаажуулж байна.

Энэхүү нэгтгэлээр холбогдох дүрэм, журамд үндэслэн 2020 оны ургацаас стандартын шаардлага хангасан 254.3 мянган тонн хүнсний улаан буудай нийлүүлж, урамшууллын баримтаа зохих журмын дагуу бүрдүүлсэн 13 аймгийн 767 иргэн, хуулийн этгээдэд 22.5 тэрбум төгрөгийн мөнгөн урамшуулал олгох шийдвэр гаргалаа. Энэхүү шийдвэрээр гурил үйлдвэрлэлд нийлүүлсэн стандартын шаардлага хангасан хүнсний улаан буудайн тонн тутамд 55-100 мянган төгрөг олгохоор болсон. Мөнгөн урамшууллын санхүүжилтийг энэ сарын 28-ны дотор багтаан аж ахуйн нэгж, иргэдийн дансанд шилжүүлнэ.

Эх сурвалж: ХХААХҮЯ