Индонез Улсын Засгийн газар олон улсын зорчигчдын хилээр нэвтрэх үйл явцыг хөнгөвчлөх зорилгоор “All Indonesia” нэртэй дижитал мэдүүлгийн нэгдсэн системийг 2025 оны 09 дүгээр сарын 01-ний өдрөөс эхлэн зарим олон улсын нисэх буудлуудад (Соекарно-Хатта, Нгурах Рай, Жуанда) туршилтаар нэвтрүүлж, 2025 оны 10 дугаар сарын 01-ний өдрөөс эхлэн бүх олон улсын нисэх буудлуудад бүрэн хэрэгжүүлэхээр шийдвэрлэсэн байна.

Энэхүү цахим системийн онцлог нь:

• Цагаачлалын ерөнхий газар, Гааль, онцгой албан татварын ерөнхий газар, Өвчнөөс урьдчилан сэргийлэх, хянах ерөнхий газар, Индонезийн Карантины агентлаг зэрэг холбогдох байгууллагуудын мэдүүлгийг нэгтгэсэн, заавал бөглөх нэгдсэн систем болох;
• Аllindonesia.imigrasi.go.id цахим хуудсаар болон iOS/Android аппликейшнээр хилээр нэвтрэхээс 3 хоногийн өмнө бөглөх боломжтой байх;
• Мэдүүлэг бөглөсний дараа үүсэх QR кодыг цагаачлал болон гаалийн шалган нэвтрүүлэх цэг дээр заавал уншуулах шаардлагатай.

Жич: Дэлгэрэнгүй мэдээллийг http://bit.ly/4fOxA7K холбоосоор авах боломжтой.