Боловсролын сайд П.Наранбаяр Унгар Улсаас Монгол Улсад суугаа Онц бөгөөд Бүрэн эрхт Элчин сайд Борбала Анна Обрушанский тэргүүтэй төлөөлөгчдийг хүлээн авч уулзлаа. Уулзалтаар Унгар Улсын Засгийн газрын тэтгэлгээр суралцах монгол оюутнуудын тоог нэмэгдүүлэх, чанаржуулах, тэтгэлгээр суралцаж буй оюутнуудын асуудлыг эрхлэх, дэмжлэг үзүүлэх зөвлөх ажиллуулах талаар санал солилцов.

Унгарын Элчин сайдын яамны зүгээс дээрх төслийн хүрээнд хамтран ажиллахад бэлэн байгаагаа уламжлан, хамтран ажиллах саналыг ойрын хугацаанд хүргүүлэхээр болов.