“Нэг хаалга-нэг өрх” шинжилгээг өнөөдрөөс Сонгинохайрхан дүүргээс эхэлж авахаар болжээ. Энэ талаар Засгийн газрын Хэвлэл мэдээллийн албаны дарга Ц.Ганзориг “Хоёрдугаар сарын 14-16-ны хооронд хамгийн их хүн амтай Сонгинохайрхан дүүргийн оршин суугчдаас шинжилгээ авна. Мөн хоёрдугаар сарын 17-19-нд  Налайх, 18-нд Баянгол, 20-нд Сүхбаатар, 21-23-нд Баянзүрх дүүргийн иргэдээс шинжилгээ авахаар төлөвлөсөн. Түүнчлэн Засгийн газрын тогтоолд 14 салбарыг ажиллуулахаар тусгагдсан. Үүний нэг нь хүнсний үйлдвэрлэл, түгээлт, худалдааны салбар. Хөл хорионы хугацаанд хүнсний бүтээгдэхүүн хомсдож болохгүй учраас хүнсний үйлдвэрлэл, бөөний төвүүдийг нээх ёстой. Тодруулбал, хоёрдугаар сарын 16, 18, 20эд үе үе шаттайгаар хүнсний 49 төвийг нээнэ. Ингэхдээ иргэд өөрийн ойролцоох худалдааны төв, хүнсний дэлгүүрээр үйлчлүүлнэ. Өөрөөр хэлбэл, нээгдсэн захуудаар үйлчлүүлэхгүй гэсэн үг. Тухайлбал, Баянзүрх дүүргийн иргэн “Хүчит шонхор” худалдааны төвөөр үйлчлүүлэхгүй” гэв.