УИХ-ын гишүүн С.Энхболдоос эрүүл мэндийн салбарт тэр дундаа ЭМДЕГ-т үүсээд байгаа асуудлын талаар сэтгүүлчид тодрууллаа. Тэрбээр  “Намайг ЭМДЕГ-ын даргаар очиход нөхцөл байдал хүн байсан. 2024 оны арванхоёрдугаар сар гэхэд Эрүүл мэндийн даатгалын сан ямар ч мөнгөгүй болсон. Тухайн үед нийт өр, авлага 420 тэрбум орчим байсан. Үүнээс 110 тэрбумыг нь нэмэлт эх үүсвэр буюу сайдын багц, гаднын тусламжийн тусламаар төлсөн. Тэгээд он дуусахад 316 тэрбумын өглөг үүсчихсэн байсныг нь энэ оны төсвөөс шийдсэн. Гэхдээ лавлагаа шатлалын эмнэлэгүүд дээр маш их асуудал үүсдэг. Энэ жил төсөвтөө тааруулж 200 орчим тэрбумыг бууруулж эмнэлгүүдтэй гэрээ хийсэн. Төсвийн хүрээнд хийсэн ажлууд үр дүнгээ өгсөн. Даатгалын сан дээрх асуудлыг шийдлээ гээд эрүүл мэндийн салбарт үүсээд байгаа санхүүжилтын асуудал цэгцэрнэ гэж байхгүй. Эрүүл мэндийн даатгалын сан дээр төсөв хангалттай байж тоног төхөөрөмжөөр хангах боломжтой. Хязгаартай төсвөөр хязгааргүй хэрэгцээг бүрэн хангана гэж байхгүй” гэлээ.