"Жем молл” худалдааны төвд эхнэрээ олон удаа хутгалж, хөнөөсөн хэргийн шүүх хурал боллоо. Энэ үеэр хохирогчийн аав "Хүн алсан хүнд өршөөл гэж баймааргүй байна. Энэ бол хүн биш араатан байна. Санаатайгаар охиныг минь алсан. Төрсөн хүүхдийнхээ төрсөн өдрийн урд өдөр нь ээжийг нь ална гэдэг чинь юу гэсэн үг вэ. Том хүү нь маргааш нь төрсөн өдрөө тэмдэглэх гээд ээжтэйгээ ярьж байсан байж таараа. Ийм байж шүүх хурал дээр хайртай байсан гэж хэлээд жүжиглээд байж байна. Анх энэ хүнтэй сууна гэхэд нь би дургүйцэж байсан. Үнэхээр харамсалтай байна. Монголын шүүх үнэн зөв шүүж өгөөсэй л гэж хүсэж байна. Цаазын ялыг дахин сэргээж өгөөч гэж гуймаар байна" гэв.