Өмнөд Солонгосын AKMU хамтлаг уран бүтээлийн 10 жилийн ойгоо тохиолдуулан Монгол орны байгаль орчныг хамгаалах, цөлжилттэй тэмцэх үйл хэрэгт хувь нэмрээ орууллаа. Тодруулбал, тус хамтлаг Багахангайн нөхөн сэргээлтийн талбайд 1000 ширхэг чацарганын мод хандивлажээ. Энэ хүрээнд зохион байгуулсан төгөл байгуулах арга хэмжээнд тэднийг төлөөлөн хамтлагийн гишүүдийн аав хүрэлцэн ирж, нээлтийг хийсэн байна.

Энэхүү үйл ажиллагаагаар дамжуулан уран бүтээлчид байгаль орчны асуудалд олон нийтийн анхаарлыг татах, цөлжилттэй тэмцэхийн ач холбогдлыг уриалан дуудаж байгаа юм.