Монгол Улсын Соёл, спорт, аялал жуулчлал, залуучуудын яам, Соёл, урлагийн газар хамтран Монголын биет бус соёлын өвийг дэлхий дахинд сурталчлах зорилгоор “Нүүдэлчин” дэлхийн соёлын фестивалийг дөрөв дэх жилдээ зохион байгуулах гэж байна.

Энэ жилийн фестиваль 2025 оны наймдугаар сарын 21-24-ний өдрүүдэд, Улаанбаатар хотын Налайх дүүргийн нутаг дэвсгэрт орших “Тайж хайрхан” уулын бэлд болно.

Фестивалийн хүрээнд:

• 21 аймаг, нийслэлийн угсаатны бүлгийн онцлог, уламжлал, ахуй соёлыг харуулсан үзүүлбэр, үйл ажиллагаа.
• Соёлын биет бус өвийн 780 гаруй хөтөлбөр, уламжлалт урлаг, гар урлал, тоглоом наадам, зан заншил зэрэг таниулах үзүүлбэрүүд үзэгчдийн хүртээл болно.
• Үндэсний спортын 5 төрөл (үндэсний бөх, сурын харваа, шагайн харваа, уран нугаралт, морин хуурын тоглолт) зохион байгуулагдана.
• "Нүүдэлчдийн ертөнц: Өнгөрсөн ба ирээдүй" сэдэвт олон улсын эрдэм шинжилгээний хурал зохион байгуулагдаж, соёл судлалын мэргэжилтнүүд, судлаачид, эрдэмтэн багш нар оролцоно.
• Аялал жуулчлалын “Хоолны гудамж”, “Аяллын бүс” ажиллаж, жуулчдад зориулсан camping zone, үндэсний хоол, тоглоом, амралтын орчин.

 Мөн монголд анх удаа морьт харвааны дэлхийн аварга шалгаруулах тэмцээн зохион байгуулагдана. 2025 оны наймдугаар сарын 21-23-ны өдрүүдэд үргэлжлэх уг тэмцээнд 30 гаруй орны 120 гаруй шилдэг харваачид оролцоно. Монгол Улсаас 15 шилдэг харваач шалгарч оролцох бөгөөд Олон улсын шүүгчдийн бүрэлдэхүүн ажиллана. ЮНЕСКО, Морьт харвааны дэлхийн холбооны төлөөлөл оролцож, арга хэмжээг олон улсын жишгээр зохион байгуулна.